美國運通有張黑卡，以前絕對唔輕易申請，無論你有幾錢年薪，無論你有幾咁瀟灑，發卡者只會睇你嘅社會地位先至批核。雖然張卡年費貴為$9,800，但碌卡不設上限，擺明走品味路線，唔似金卡或白金卡咁暴發。聽講揸住呢張卡去日本買嘢，自認最有品味嘅日本人都會對你客氣啲。
不過唔知搞乜鬼，最近呢張黑卡好似愈發愈濫，誇張啲講，連啲老粗個銀包都有一張，水貨界新貴UA強甚表認同：「我間舖以前只得一兩個客用AE黑卡畀錢，佢哋通常好低調，好有禮貌，一睇就知品味之士，值得人尊重，銀包內有張黑卡絕對與身份相符。但近半年突然有班冇乜禮貌嘅老粗，竟然亦有張黑卡傍身，初時我重以為佢哋揸住張I.T花旗黑卡充闊佬，點知睇真啲原來真係AE黑卡嚟㗎！不過佢哋只會買啲濕濕星幾十蚊或百零蚊嘅Accessories，唔係真正大豪客，可能佢哋連張英文Statement都睇唔掂，所以費事碌咁多唔好煩喇！不過我認為呢啲人張黑卡主要係嚟ShowOff，補償吓佢哋昔日所受嘅白眼。希望發卡公司注意吓，最好做埋品格審查，咪等第日張黑卡就變成𠵱家嘅金卡一樣，冇乜影響力！」
主持人：大食Jack
八卦熱報：