鄧永鏘支持胞妹選擇張可頤

鄧永鏘前晚往君悅酒店出席英國鞋履名牌JimmyChoo的酒會，當再被問到胞妹鄧霓儀與張可頤的同性緋聞時，他表示胞妹已三十多歲，不會過問她的私生活，只要妹妹happy及不是犯法便沒問題。

英國鞋履名牌JimmyChoo前晚在君悅酒店舉行酒會，出席的包括中國會老闆鄧永鏘、李嘉欣、周汶錡和AnaR.等。
鄧永鏘再度被問及胞妹鄧霓儀與張可頤的緋聞，他說：「我係阿哥，第一個目的都係希望個妹happy，只要唔係犯法嘅事就唔會阻止。我前幾晚先喺我間意大利餐廳見過佢（指張可頤），佢幾靚女吖。」

「女人唔同男人嘅」
問鄧永鏘其妹結識朋友會否先給他過目？他說：「佢都三十幾歲人啦。」問他覺得胞妹品味如何？他則說：「女人唔同男人嘅，佢哋係唔係真係拍拖唔好問我啦。」
至於問鄧永鏘是否認同穿高跟鞋的女人特別性感時，他說：「真係奇怪，條女愈高愈鍾意着高跟鞋嘅，我就麻麻哋啦，咁高咪淨係望到佢個胸或者膝頭哥？我覺得女人最性感係嘴唇，或者唔係十全十美，好似我見過一個鬼妹左眼珠係藍色、右眼珠係綠色，咁就真係好特別啦。」

着高跟鞋係苦差
而李嘉欣前晚穿上紫色AnnaMolinari裙，襯JimmyChoo的鞋及手袋，她認同穿高跟鞋是一件苦差事，她說：「好似我上次去米蘭着住對五吋高跟鞋，重要行石仔路。」問她在彼邦有沒有遇上男性搭訕？她說：「喺邊度都有㗎啦，我識朋友冇限passport，啱傾就得。」
採訪：RitaLeung
攝影：LoTakKwong