黃子華和陳小春同在橫店拍劇，子華指早前在內地拍劇時因沒人跟他說廣東話，令他感到抑鬱，小春即暗寸子華到內地是開工，不是來玩！
黃子華最近在橫店拍攝劇集《九品芝麻官》，與羅家英、周星馳愛將黃聖依和蘇永康等大演對手戲。子華表示最少要再拍三、四個月才可以返香港，屆時才能與女朋友見面，因為他不打算叫女友來探班。
子華說：「日日喺度開工，我冇諗住叫女友嚟探班，我記得幾年前返內地拍《溥儀》時，冇乜機會同人講廣東話，真係有少少抑鬱。」
而陳小春則在橫店拍攝劇集《天下第一媒》，他飾演中國四大才子之一的祝枝山，前晚記者往探班，黐了假鬚的小春十分風騷，雖然全劇只有他一位港星演出，但他並未感到寂寞，他一早帶備了遊戲機和ＤＶＤ來解悶。
子華曾因沒有人與他講廣東話而感到抑鬱，記者問小春會否有同感？他沒好氣說：「拍戲之嘛！抑鬱？一係唔好嚟，嚟到就要集中精神做嘢，玩咩！冇人同你講廣東話咪重好，可以學吓講國語。」
來到內地拍戲，小春亦甚懂得入鄉隨俗，並沒有覺得自己是港星就高人一等，所以與劇組用膳時，他一樣不顧主角身份，與其他工作人員爭飯食，他笑說：「如果我重好似喺香港咁斯文，搵個細碗食完再添飯嘅話，咁就肯定已經俾工作人員食晒啲飯，所以我一早預備咗隻大飯兜，一次過攞多啲飯，咁就唔使驚食唔飽。」
採訪、攝影：曾小嘉
