譚詠麟（阿倫）、余文樂、黃伊汶（Emme）等昨日到銅鑼灣CEONeway齊齊出席「新城慈善唱K大晒馬拉松」活動，眾人挑戰耐力，連續唱K逾80小時，期望創下健力士世界紀錄及為樂施會籌款。
當樂仔表示鼻敏感要由兩位歌迷幫手合唱時，阿倫即抵死說：「你又唔舒服呀？咁多人用呢個理由嘅。」阿倫又稱樂仔為「孱仔樂」，還自稱「X光譚」，並即場幫樂仔和Emme把脈，他說：「樂仔就好多暗病，有流鼻涕、後台抑鬱症、重有巴閉症，不過佢把聲就穩定咗好多，Emme就唔係好識運用呼吸。」
阿倫又不斷拿Emme與樂仔的緋聞開玩笑，樂仔就說：「我已經叫佢同克勤唔好講，佢哋重喺演唱會度講，講講吓啲人就信，我覺得夠嘞。」
而盧巧音（Candy）及鄧穎芝後來加入馬拉松唱K活動，Candy表示不知道老友林嘉欣拍拖。而她更透露打算與監製梁翹柏合資出碟。問到她是否與唱片公司不和才想獨立出碟，她說：「唔係，呢個只係我一直以來嘅心願。」
採訪：駱華齡 攝：陳志嵐
