綁個多小時　傷痕纍纍
黎姿碌落山震出隔夜飯

黎姿拍《妙手仁心Ⅲ》一場碌落山谷底等待救援戲，不但要雙手被綁躺在擔架床上個多小時，又遭四周的樹枝和碎石弄得傷痕纍纍，由於山路崎嶇，黎姿被拯救隊抬她上山時肚內食物更洶湧翻騰，極欲作嘔。

黎姿與吳啟華日前在馬鞍山一處高山上拍攝《妙手仁心Ⅲ》外景，劇情講述黎姿行山時遭山賊洗劫後被綁在樹旁，她自行鬆綁後，卻在不明間染上一種名為「猴天花」的傳染病，突然昏厥，滾下山谷，吳啟華飾演的程至美趕抵相救，卻齊受困於谷底下，要等待救援。

拯救隊抬上山
由於山路崎嶇，黎姿拍完這場戲後，弄得傷痕纍纍，更險些毀容，她說：「拍完呢場戲真係好攰，個山好高好斜，我要瞓喺擔架床綁實晒手腳，郁都郁唔到，臨時演員扮嘅拯救隊抬我上山時，因為山路好崎嶇，震到差啲連之前食嘅嘢都嘔埋出嚟。」

大石險擊中面
黎姿續說：「最慘係我瞓喺擔架床，拯救隊一路爬嗰陣，兩邊啲碎石係咁跌落嚟，飛埋我塊面，兩邊又有好多樹枝，我隻手綁住郁唔到，避都冇得避，冇幾耐重有一塊好似肚腩咁大嘅石頭碌落山，差少少就揼到我，如果唔好彩就真係毀容。」結果當時包括黎姿在內，所有人都被此驚險場面嚇至大叫。而她足足在擔架床被綁了一個小時有多。