黎耀祥日前偕太太Juila及七歲兒子黎正橋，到沙田踩單車共敍天倫。祥仔更專程到屯門以七百元買了兩部單車，新車落地，父子倆在城門河畔鍊車鬥一番。
黎耀祥一家三口日前同往沙田踩單車共敍天倫樂，向來是廿四孝老竇的祥仔當日與太太Julia及七歲兒子正橋先往屯門，向相熟的單車行以七百元的超抵價購入一大一小新單車。
祥仔的兒子正橋日前才學識棄用輔助輪踩單車，但已踩得不錯，與父競賽時還踩得比他快，祥仔就緊貼在兒子身旁保護。問正橋其父是否很錫他時，正橋即點點頭，繼而又着父親跟他「鍊車」，他說：「行多次先啦！」
黎太大讚丈夫是廿四孝好爹哋，做老公更值一百零五分，她說：「祥仔係好㗎，佢除咗開工之外，所有時間都畀晒個仔嘅。」問她會否考慮追多一名小寶寶？黎太說：「想㗎，我一路都想生多個女，但到𠵱家都重未有。」
祥仔與Juila結婚七年，踏入七年之癢期，二人恩愛如昔，問到如何維繫婚姻，祥仔說：「大家相處好似踩單車咁，你快啲我就慢啲就吓你，每人走嘅步伐唔同，要遷就吓至可以相處到。」
其實祥仔不愛小孩，惟獨對着自己的骨肉就心軟，他說：「個仔得七歲已經好識諗，我十七歲時都冇佢咁識諗，所以有時佢做嘅嘢會令你好感動，佢比我叻好多，重好識同陌生人建立關係㖭。」
採訪、攝影：朱倬誼
