李克勤、楊千嬅和戴夢夢等昨日出席港台活動，與眾長者玩遊戲和乘地鐵。而經常被記者追問何時會結婚的克勤，亦被追問此問題，有長者更向他查問自稱年年二十五歲的譚詠麟的真實年紀。
港台昨日於中環地鐵站舉行「長者地鐵安全運動」，李克勤和楊千嬅以隊長身份與其他藝人包括方力申、吳卓羲、戴夢夢、陳苑淇、劉浩龍和黃伊汶等一起出席。眾藝人與長者們一同乘搭地鐵到太子站，克勤十分照顧長者，拖着他們到月台。
克勤又笑說有長者講錯其女友盧淑儀的名字，他說：「有個老人家問我點解唔帶盧敏儀出嚟，我咪叫佢諗清楚啲，佢好精靈，話佢唔出嚟係怕我唔開心。我覺得佢哋好好笑，重問我幾時結婚，又問我阿倫（譚詠麟）其實係幾多歲。」而鄭希怡與長者玩遊戲時有身體接觸，她說：「冇事，佢矮過我頂到我腰啫﹗」
方力申則表示找女友最緊要對方孝順，他說：「爸爸成日話百行以孝為先，你點對啲長輩，他日啲仔女都會學，所以我希望將來嘅太太或者女友都係咁。我媽咪話婆媳相處難，重睇定屋企附近一個單位，第時結婚可以互相照應。」
此外，吳卓羲與陳鍵鋒最近合作劇集《肝膽崑崙》，對於日前有報道指陳鍵鋒因在早上請病假，令廠內的吳卓羲生氣得拂袖而去。他昨日否認說：「我有離去，但唔係拂袖，個個都睇到佢當日整親眼，嗰日佢有打畀我。個個由朝拍到晚，有時整親實有。合作過咁多套劇，大家係好朋友。」至於他平時會否發脾氣，他說：「有脾氣暴躁，係𤷪自己做得唔夠好。」
採訪：王連連 攝影：何國豪
