鄧萃雯在電視劇《金枝慾孽》中飾演的如妃是一位城府甚深、陰險奸詐的人，但現實中的雯女卻是個愛心爆棚的義工，近日她往青少年中心，與眾義工導師分享如何灌輸正確的性教育及預防愛滋病的訊息給年輕人。
鄧萃雯近日因為《金枝慾孽》中演「如妃」一角而人氣急升，工作量排山倒海而來，日前她仍抽空往灣仔參與由青少年愛滋教育中心所舉辦的導師訓練課程，與眾義工導師分享如何灌輸正確的性教育及預防愛滋病的訊息給年輕人。
問雯女為何會對青少年義工服務感興趣？她說：「我做咗義工六、七年，以前會將自己嘅愛用喺拍拖，但原來用喺其他人身上一樣咁開心，加上我之前曾經做過網上電台講性呢樣嘢。但我發覺香港青少年好慘，冇渠道認識性，冇好嘅性教育，所以更加需要我哋學習咗正確嘅性教育同預防愛滋病教育嘅訊息，務求第日喺義工工作中提供正確觀念畀青少年。」
當日所見，課堂上參與的包括學生及家庭主婦，藝員王維德亦有參與，大部份人見到雯女都叫她「如妃」，雯女說：「如妃呢排嘅人氣旺，令我多咗啲青少年fans，我好似好權威咁講嘢，多咗人聽，人氣唔單止用嚟賺錢，亦可以用嚟推動社會工作同教育，我覺得重有意義。」
採訪、攝影：馮美茵
