許冠傑（Sam）十四年前在紅館舉行的《香港情懷90演唱會》母帶，因為一場大火而被燒毀，直至近日，工作人員在外地將母帶copy尋回，令失而復得的阿Sam高興不已。
許冠傑復出後舉行的三十八場《繼續微笑會歌神Live》演唱會，日前已告一段落，歌迷若要再次一睹阿Sam舞台上的風采，最快也要等到明年的巡迴演唱會。
儘管阿Sam揚言今次演唱會不會推出DVD和VCD發售，但據了解，阿Sam90年在紅館舉行的《香港情懷90演唱會》，將首度印製成DVD和VCD於日內發售，而這個演唱會的母帶，更是阿Sam失而復得，極度珍貴。
阿Sam發言人葉鏡球說：「阿Sam當年嘅演唱會，啱啱係喺六四事件之後嗰年舉行，嗰陣時香港人嘅心態係好怕面對九七、好怕面對香港回歸，阿Sam希望同香港人共度時艱，為香港人打氣，所以當時唱咗好多關於香港情懷嘅歌曲，好似《同舟共濟》同《洋紫荊》咁。
「呢個演唱會當年只係出過LD，之後演唱會母帶就因為貨倉火燭燒咗，阿Sam諗住呢個演唱會不見天日，冇機會搵得番；點知早排我哋幾經辛苦喺外地搵番個母帶copy，阿Sam知道失而復得之後，開心到不得了。」
在當年演唱會中，除了滿載阿Sam的香港情懷外，他與兄長許冠武和許冠英扮Beatles和BeeGees造型獻唱的片段，亦相當搞笑抵死。