合和實業主席胡應湘近期為咗灣仔MegaTower酒店項目奔波，都幾辛苦，但前日公司董事會都畀番啲甜頭佢，就係定咗佢嘅董事袍金，佢作為合和實業同合和公路兩間公司嘅主席，各收三十萬元，佢乖仔胡文新則各收二十萬元，即係話兩仔爺共袋一百萬元。
八方睇落，哥頓月薪唔算高，計落只有五萬元；但其實最和味係公司派息，以哥頓持有二億三千五百三十三萬股合和實業，以及二千二百九十三萬股合和公路計算，哥頓合共收息七千三百四十六萬元。不過哥頓唔好開心住，一個反對MegaTower嘅堅尼地道居民組織今日喺報紙登廣告，呼籲居民加入反對行列，都有排煩。
傳真︰2623-9278
電郵︰