盛產大閘蟹嘅江蘇省噚日喺香港舉行蟹王蟹后選舉，財爺嘅媽咪唐媽媽以香港各界婦女聯合協進會副主席名義應邀出席。唐媽媽話，佢屋企人都好鍾意食大閘蟹，每逢秋天就會買至靚嘅大閘蟹教個工人清蒸。每人最少食三隻至夠皮。不過仔仔英年經常都因公唔得閒食，唐媽媽只得叫工人將大閘蟹送去財爺屋企。唐唐投胎投得咁靚，真係羨煞幾多窮人。
喺新界西直選輸咗嘅前任立法會議員丁午壽，噚日都有現身蟹王蟹后選舉，八方見佢望住啲參賽嘅大閘蟹睇到眼甘甘，好似生嘅都想食落肚咁款，佢話全家都係愛蟹之人，佢伯爺丁老先生隔日就要食番餐。
傳真︰2623-9278
電郵︰