陳慧琳（Kelly）昨日以代言人身份，出席在太古城中心麥當勞餐廳舉行的新款食品推介活動。
對於美國導演摩根史培洛（MorganSpurlock）在話題紀錄片《不瘦降之謎》中，因連續三十天每日三餐均吃加大碼麥當勞餐而肥了二十四磅，Kelly說：「食麥當勞嘅嘢冇問題，只要食得均衡就得啦，一個人一日三餐淨係食橙都會有事啦。我覺得間唔中食吓，作為親子活動都幾好，小朋友喺麥當勞開party好開心，只要唔食得過份就得。」
至於麥當勞公關經理周嘉慧則說：「對部電影我唔評論，但我哋透明度好高，有幾多卡路里都會列出嚟，顧客可以因應所需營養同喜好去選擇食物。」
採訪：馮美茵
攝影：陳志嵐