周星馳好友、搞笑演員田啟文（田雞）前晚在銅鑼灣擺喜酒，他透露其實早於七月時已在美國拉斯維加斯註冊。星爺前日下午一早低調到場恭賀，而星媽往喝喜酒時則避談兒子的婚事問題。
田啟文前晚在銅鑼灣擺喜酒，星爺低調地在中午時分到場恭賀，但晚上沒有出席喜宴，反而星爺的媽咪、張達明、谷德昭、何超儀及夫婿陳子聰、周俊偉、林子聰（肥仔聰）、陳國坤（小龍）和黃柏高等，前晚均抽空往喝喜酒。不過新娘子因為怕醜，始終不肯到會場外讓記者拍照。
新郎田雞表示七月時已在美國拉斯維加斯註冊，前晚是補擺喜酒，身為家中長子的他稍後更會返鄉下惠州設宴。
田雞說：「兄弟預咗我今晚俾人抬出嚟，我都年紀大，係時候結婚，都拍咗兩年拖，我好欣賞太太嘅氣質。」問到田雞婚後可會不設防造人？他說：「呢樣又唔可以太勉強，星爺一早嚟咗同我哋影相，未知佢送乜嘢，未拆禮物。」
田雞又大讚其新婚妻子說：「我娶妻三大原則係唔煙、唔酒同唔賭錢。」不過張達明到場時卻踢爆新娘子很會打麻雀。
而星媽獨自到場時，被記者問到星爺的婚事即說：「結婚係佢嘅事，唔關我事，由佢自己決定。我唔識買禮物，都係畀利是。」
至於何超儀夫婦則前後腳到場，超儀大讚新娘子人品好，而其夫陳子聰則說：「我買家庭用品畀佢哋，但唔係避孕套，我希望佢哋可以白頭到老。」而小龍則笑言會送壯陽藥給新郎。
採訪：王崇穎
攝影：葉君海
