許志安與葉德嫻昨日在新城電台接受顏聯武訪問，對有報道指安仔、李克勤及古巨基為爭奪本年度男歌手獎各出奇謀，容祖兒以『克不容緩』作宣傳口號支持克勤，古巨基就找來周慧敏力撐新歌，至於安仔就被指找來葉德嫻出山造勢。
葉德嫻昨日接受訪問時說：「出招幫佢？邊有咁本事呀！合作就合作，音樂就音樂，唔係打仗。」
顏聯武即時插嘴說：「人哋叫『克不容緩』，你哋咪叫『志在必德』囉。」安仔對『志在必德』的稱號表示十分滿意，更大讚顏聯武有諗頭。
至於克勤在接受新城節目訪問後被記者問到可會覺得在愛情上已先贏安仔，克勤說：「嗰啲冇辦法，佢唔志在啫。」克勤又表示仍會採用「克不容緩」作口號，他說：「祖兒好少諗到呢啲精警語句㗎！」
此外，葉德嫻與安仔前晚與盧巧音、薛凱琪等錄影《勁歌》，問葉德嫻會否全面復出？她說：「我冇精力，去《勁歌》前都要準備三日呀。」
採訪、攝影：卓美娟
