USB手指熱潮漸過，鬥完賣價之後，好多新產品轉而玩款出位。Bandai就曾授權推出過聯邦、自護軍嘅USB手指，連日本鐵路、飛機系列都參與埋一份，可見USB手指生產成本唔高，又賣得起價錢。日本UG就推出一款以皮革包裝嘅USB手指，都係128、256MB之類，對應USB2.0，容量同體積冇乜特別，不過包咗層皮革之後，成個USB手指即時高貴晒，唔再係𡃁仔嘅玩意，就算一啲成熟高級行政用家都啱Feel。由此引伸出，各大名牌都可推出有嘜頭嘅USB手指，如ARMANI、GUCCI、LV等，閒閒哋賣到千幾蚊，絕對係另一條財路！
記者：徐影龍
相關網址：