黎姿昨日在飛鵝山拍攝無綫劇《妙手仁心Ⅲ》，劇情講述熱愛行山的黎姿獨自行山兼影相，山賊突然在她背後亮出利刀，架在伊人頸上，繼而將黎姿綑綁在一棵樹上。
但奇怪的是，賊人只是劫財，沒有劫色，黎姿說：「我都唔知點解，但做醫生做到俾賊打劫都好笑啦。其實平時我都有自己一個人行山，唔會帶錢喺身，重會包到實，冇錢冇身材應該唔會俾人打劫。」
除了行山外，原來黎姿對運動十分狂熱，她說：「每晚都會做二、三百下situp。其實我都用好多時間喺屋企，沖涼最快速都要用一個鐘，腳趾都洗埋，又要搽cream、落妝，第日有job做又要搵定衫，所以狗仔隊跟我影唔到嘢，因為我都冇時間做其他嘢。」
採訪、攝影：魯萍