雖然經紀黃之前都講明，話新濠國際（200）配股有強者接貨，股價將會升到你唔信，但小初真係諗唔到，新濠噚日復牌真係勁得咁交關，經紀黃重話，傳聞有炒家將目標價一再調高，搞到佢都唔知信唔信好？
新濠噚日以6.80元高開，之後雖然一度被質低，但強勁的買盤將股價推高，收市報7.15元，升28.83%，成交股數1.13億股，金額6.5億元。以每股5.20元要咗貨嘅芬佬，今次真係飲得杯落。但經紀黃話，由於配股超額認購成幾倍，所以芬佬唔會分得多，唔排除噚日繼續在市場買入。
另外，經紀黃又叫小初留意今日公布全年業績的超大現代（682），查實超大公布中期業績時，盈利已較去年同期大升47.5％，如果下半年無乜大變嘅話，照計全年業績會好靚仔。
雖然近排唔多流行炒作民企股，但如果超大業績真係掂嘅話，點都應該對股價有多少刺激。超大噚日升2.68%，收2.875元，成交股數2220萬股，金額6436萬元。
慕容小初