香港興玩ICQ、MSN、Opendiary，內地人興玩QQ，海外留學生就用Friendster結識朋友，韓潮男女則全力支持自家製作迷你網頁，最受歡迎的Cyworld就憑簡易自製網頁、相簿、日記、線上聊天、E-mail等元素，成功俘虜1,000萬個用家，連S.E.S.的Shoo、朴龍河、文熙俊、SE7EN等韓星都有自己的迷你網頁任你睇。05年Cyworld更會推出中文、日文、英文等版本，唔想Out爆？即CheckCyworld係乜東東。
記者：張穎麟 攝影：蔡鴻雯
模特兒：演卿朴（StarzPeople）
「Cy」韓文即「我們之間的關係」，Cyworld就是希望年輕人透過各自的網頁溝通。Cyworld主頁預設相簿、日記、聊天室、音樂Download站等格式，不懂寫Java、Html的網友只要購買各種Wallpaper、Icon、音樂就可製作兼布置自己的迷你網站，當中最受韓潮男女追捧的是網頁第一版的MiniRoom。
MiniRoom最初只有代表你的公仔Icon與四面牆，網友要透過在餐廳、便利店消費或購買儲值卡儲蓄Dotori「栗子」，再用「栗子」換取Cyworld內的公仔、家具、電器、汽車、BB仔及女朋友來布置MiniRoom，主頁更會以精美程度及瀏覽人數作排行榜，令你威威兼認識更多朋友。
網址：
原來韓妹模特兒演卿朴都有差不多2年玩Cyworld經驗：「韓國女仔同香港女仔一樣都唔係咁識整網頁，所以Cyworld一出就即時參加，將MiniRoom布置得靚靚，又可以貼自己張靚相識男仔，韓國由中學生到上班族都玩㗎。」
網址：
韓星MiniRoom任你睇
原來不少韓星都玩Cyworld，Fans可以隨時參觀偶像的MiniRoom。當中會有人冒認，要分堅定流，只要留意網頁左上角的總瀏覽人數便知龍與鳳，真正韓星網頁瀏覽人數動輒幾十萬，得百幾人瀏覽的話就一定係冒牌貨。據知玩Cyworld的韓星多達300個，現在公開部份，其他等你慢慢發掘。
S.E.S.雖然已經解散，但成員之一的Shoo獨自發展依然叫好叫座，其個人網頁瀏覽人次高達96萬，當中的MiniRoom更布置得美輪美奐，有閣樓又有BB仔，最厲害是Shoo曾經來港與樋口明日嘉的照片亦公開。
網址：
憑韓劇《冬日戀曲》及與陳慧琳拍《我要的只是愛》MTV為人熟識的朴龍河，瀏覽人次竟然有110幾萬。
朴龍河間MiniRoom用大橋加夜景，代表佢嘅Icon公仔玩緊沙灘漫步，好浪漫！其網頁還有他玩賽車時的英姿，另有與金賢珠、柳時元等其他韓星吃喝玩樂生活照。
網址：
SE7EN的MiniRoom簡直家徒四壁，只得SE7EN一個公仔Icon，睇嚟佢都係啱啱玩Cyworld無耐，左上角幅靚仔相舉起「V」字手勢，好型仔！不過抵死係SE7EN會將一些古靈精怪表情相擺入Album任人睇，令女Fans蜂擁而至，其中一張頭頂玻璃缸、矇豬眼加嘟嘴趣怪表情嘅靚相最搞笑，難怪瀏覽人次有160萬。
網址：
自製MiniRoom四部曲
最初的Cyworld空無一物，通常韓國人都會在左面放置個人照、是日金句，右面則擺設相簿、日記、留言板等連結。
換取「栗子」購買火爐、床、枱櫈等各種家具布置MiniRoom，以購買儲值卡來說，換取一件家具一年收費$10至$30。
再購買心儀配樂，除韓文歌外，更有日文、英文歌、純音樂等選擇。
擺好家具後你的迷你網頁便正式完成，日後你可隨時刪減布置，非常方便。Cyworld主頁會定期推出新家具、車、寵物吸引你換購。
其他熱門韓國網頁
Cyworld雖然擁1,000萬個用戶，但其實還有Planet、Blog、Sum等不少迷你網頁加入戰團，它們避開Cyworld最強項目MiniRoom不以Cutie公仔、家具做賣點，主力開發視像、擺相、多人管理等不同元素，同樣吸引不少韓潮男女加入。
韓國Daum通訊Planet迷你網頁平均每星期有350萬人次瀏覽，除相簿、留言板、日記、線上聊天與E-mail外，還大玩視像片段，一入網頁就見到一部電視機，任網友播放自己拍下的片段或Planet提供的動畫、MV。網站主力售賣的，是各款電視機外框，由傳統電視到Plasma、PDA都一應俱全，勁有心思。
網址：
Blog迷你網頁有較多英韓對照Items及最強搜尋功能，選擇按姓名、Keyword或出生日期等項目尋人，準確度是一眾迷你網頁之冠，連文俊熙都玩埋一份。Blog可大量上載相片，一版放30張相，不過缺點是Load相時間慢，要1分鐘才可Load到一版。
網址：
沒空每日Update網頁就最好玩Freechal的Sum迷你網頁，事關此網可容許最多12人共同管理一個迷你網頁。值得一讚是迷你網頁相區內的相片，可即時傳送給韓國手提電話，最適合身在外國但想Send相回韓國的朋友。
網址：
