鄭希怡（Yumiko）前晚舉行音樂會四度落淚，場面感人。Yumiko穿上鮮紅色bratop上陣時，觀眾狂呼喝采，連與她合唱的吳浩康都表示不敢正視她。
鄭希怡前晚在九龍灣展貿演出「加州紅903十一團火音樂相傳」音樂會，當她獻唱《單車》一曲時，與台下父母握手，忍不住喊，其母也一同抹淚。到結尾Yumiko與3T的蔣雅文（Mandy）及劉思惠（Maggie）合唱，又忍不住哭，Mandy比她哭得更厲害。
不過無論Yumiko怎樣哭，還是不及她的豔紅BraTop引起的反應大，當她穿上BraTop出場時，台下觀眾即瘋狂尖叫，連與她合唱的吳浩康事後都說：「見佢着得咁少，我嚟緊做音樂會都考慮着少啲。佢個騷兩個字形容，就係精采。」
問吳浩康是否覺得Yumiko很「索」，他說：「啲衫都係配合氣氛啫，我好投入唱歌㗎，不過都只敢望佢對眼，望第二度我怕會亂咗陣腳呀。」
方力申、Cookies及Yumiko緋聞男友Kenneth等前晚都有往捧場，杜汶澤亦是嘉賓之一。本來陳冠希（Edison）也是嘉賓，但他以在上海趕不及返港為由缺席，前來捧場的Stephy被問到Edison是否避她，她說：「唔係，你又知佢避我？佢可能唔知我嚟呢，可能真係怕咗我。」
Yumiko事後說：「我最唔滿意自己咁快喊，冇諗過咁快喊，我見到父母同嫲嫲都喺度，後來見到3T，就已經忍唔住眼濕濕。不過綵排時Mandy就已經喊，我哋三個嘅感情好難形容，冇3T就冇Yumiko，我相信佢哋遲啲演唱會都會請我做嘉賓。」
採訪：李珮洳 攝影：仇志德
