黃伊汶與余文樂這對緋聞男女，前晚一同出席音樂會，兩人同台現身時，刻意保持距離，但仍互相取笑，打情罵俏一番，黃伊汶表示兩人近期甚少一同去街。
余文樂、黃伊汶（Emme）、吳日言、林子瑄及官恩娜等，前晚在九龍灣展貿出席「萬聖瘋狂叫不停音樂會」。
黃伊汶在台上又唱又跳，露出長腿及打底褲，表現落力，可惜仍不敵曾被拍下與谷德昭撐枱腳的林子瑄，林子瑄穿上一條低胸裙，豐滿身形表露無遺，加上她唱快歌跳勁舞，裙子愈跳愈低，搶盡鏡頭。
主持前晚請Emme上台玩遊戲時，亦順道叫她的緋聞男友余文樂一同上台，兩人表現尷尬，更刻意保持距離。不過主持問Emme認為阿樂應扮甚麼時，她說：「扮狗囉，佢咁嘈喧巴閉。」阿樂即低聲說：「你小心啲講嘢。」到阿樂被問到Emme應扮甚麼時，他即笑說：「放克勤同阿倫個頭落去囉。」兩人互相取笑，有如打情罵俏一樣。
Emme提到近日被拍下與余文樂一同吃飯，Emme說：「大家都去開會，咁成班同事去食飯，咁啱啫，一間公司嘅人梗係一齊食，唔通分開咩？我都好耐冇同佢去街啦。我哋都避忌咗好多，總之唔係拍拖，係朋友啦，以前都會成班人去玩，𠵱家都好少。」問會否感到尷尬，Emme說：「唔會，點解要尷尬，普通人都要食飯㗎，咁啱影到啫。」
而阿樂則說：「做完嘢一齊食飯好正常，我哋好耐冇去陳少寶間舖食嘢。」提到會否避忌，阿樂說：「公司同事都有話發現記者，冇所謂啦，又唔係去中國城，食飯啫，唔會刻意避，避唔避都寫㗎啦，總之唔係拍拖啦。」
採訪：胡比 攝影：陳志嵐
