今場比賽吸引到唔少名人捧場，不過最矚目嘅肯定喺「亮晶晶」（圖一）。田亮同郭晶晶噚日拍住拖嚟睇波。戴住眼鏡嘅郭美人看得津津有味，喺半場時重應邀主持球迷射波比賽㖭。不過坐喺佢隔籬嘅田亮就冇乜表情，唔通重「呷緊醋」？
噚日北京嘅黃牛比上海更慘情，一大早喺球場外就聽到價格勁跌，加上有好多警察喺場外巡邏，黃牛就更難交易。開波前一個半鐘，黃牛飛已跌到原價；冇耐原價近千元人民幣嘅飛更勁跌至二百蚊就有交易，黃牛黨今次可謂血本無歸囉！
賽事還吸引了包括前WNBA中鋒鄭海霞（圖二中）、前火箭球星德士拿和堅尼史密夫等，最意外是以身材出眾見稱的本港影星「波神」彭丹亦有到場；不過她在賽後企圖走出球場與球星合照卻未能成功，最後只有面黑黑離去。