自SCE宣布推出激瘦77%嘅新PS2後，引嚟好多機迷期待，而呢部縮水版PS2係TGS上現過真身後，上周六Sample機火速運抵香港，更係全亞洲首次公開畀傳媒試玩。到底值唔值得換機？今日就搵嚟幾位Game書編輯，發表下試玩感受。
記者、攝影：徐影龍
港版新PS2正式型號為SCPH-70006CB，最令人震撼係體積大幅縮水，僅如舊款PS2嘅23%！能夠偷得咁細嘅主因有三；第一火牛改為外置式，對家用機嚟講無傷大雅。第二係前置式光碟盤改為人手上揭式，慳番唔少機械組件，缺點係令Lens更容易積塵。第三抽走風扇，改為擴闊機背散熱口，須知EE、SG兩大運算核心熱氣旺盛，對新PS2嚟講絕對係一個挑戰！新舊PS2係硬件規格上亦不盡相同，如內置LAN，機前加入紅外線接收器，而外置火牛屬100-240V既「世界牛」。最後一提，港日11月3日同步發售新PS2，行貨賣價$1,180。
《吹吹IT風》以討論及分析熱門IT話題為主，由電腦、數碼相機、手機、AV產品到TVGames，都屬討論範圍，歡迎讀者提出改善建議、討論話題、疑難雜症，谷氣投訴甚至自薦發表文章都得。
電郵地址：
