趙飛雲昨日入場睇跑馬，因為愛駒之一「大好友」又再出賽，可惜隻馬熱門跑得甚差，尾三過終點。如果冇記錯，早前兩次「大好友」勝出後，港股表現亦唔差，希望今次「大好友」落第，唔係預示港股繼續跌。
美國上周五公布的零售數據理想，杜指止跌回升，可惜期油在高位徘徊，壓抑美股升勢，杜指最後升幅收窄至38點，收9933。期油上周五再創55美元新高，收54.93美元。期油走勢一浪高於一浪，繼續困擾美股，杜指上周五輕微反彈，對偏弱走勢並無幫助，只望今次調整可守在8月底部9783之上，有機會營造雙底回升的走勢。
趙飛雲上周五在2.50元買入10萬股中電信（728），買入的原因及部署已作分析，短炒以2.40元作止蝕位，首個目標2.75元，中線目標3.30元。
本周可繼續留意中移動（941）、恒地（012）及新地（016）的走勢。上周二拍地後，股價企得最硬淨的大地產股要數恒地，50日線（現處37.30元）支持力頗強，上周每當股價跌近均反彈，可伺機吸納短炒或中線持有，新地72元亦有值博率。
中移動（941）上周四、五下試50日線（現處23.10元）守穩，若本周繼續守穩不破，短期反彈目標23.80-24.70元，可買正股或Call輪短炒。
此外滙控（005）50日線122.50元支持強，下試123元不破，亦可伺機買入Call輪短炒。
趙飛雲