唔好以為左校學生受咗好多「愛國教育」就會變得好保守，九龍香島中學幾個居港唔夠七年嘅新移民學生（圖），噚日喺浸會大學一個師生交流會上發表調查報告，話二百個接受訪問嘅校外學生之中，有七成半學生認為，唔一定接受政府硬銷嘅教育宣傳，先至叫愛國。
居港兩年嘅崔小婷話，舊年睇見7.1有五十萬人大遊行，重曾經鬧佢哋唔愛國，但諗深一層，佢覺得自己同土生土長嘅香港人喺唔同嘅政治文化背景成長，香港人有佢哋嘅憂慮，所以佢都開始理解啲人點解要上街。調查報告重話，經過研究分析，建議港區人大代表，應該由香港人直選產生，咁至可以直接向中央政府，反映香港市民嘅真正聲音喎。
傳真︰2623-9278
電郵︰