李克勤、梁詠琪（GiGi）和何韻詩等昨日在將軍澳電視廣播城出席《愛之關懷愛之夜》的拜神儀式，阿詩遇見GiGi即叮囑對方不要着高踭鞋，以免顯得她更矮，二人狀甚投契。GiGi自國慶打開聲針頂硬上演出後，失聲兩星期，她說：「今晚終於可以唱現場，自信心返晒嚟。」
有指克勤為邀得「玉瑩小主」黎姿拍MV，以十多次電話攻勢及推掉外埠工作，終以真誠打動對方。克勤聞言即無奈地說：「點會？我都冇佢電話，每次拍MV都係公司安排，我冇畀意見，你估我係皇上揀女咩，係咁就發達啦。但我都有睇《金枝慾孽》，見到黎姿受歡迎程度與日俱增都好戥佢開心，合唔合作到就睇緣份，可能係製作公司方面有啲誤會。」
採訪：卓寶花
攝影：仇志中