長毛因誓詞內容同立法會秘書處對簿公堂，律政司司長梁愛詩以公眾利益為由突然介入，結果長毛要求司法覆核不成功，但就唔使付對方堂費，只係搞掂自己條數，算係執番身彩。
八方日前問立法會秘書處要畀幾多錢郭慶偉資深大律師，佢哋話條數重計緊。至於律政司，詩姐哋就一早講明唔會要長毛畀錢，認真大方。
老實講，詩姐出動到前法律政策專員馮華健咁威水嘅資深大狀，長毛邊畀得起啲使費？八方問行內人士，佢哋話，馮大狀第一次上庭閒閒哋收你四、五十萬。
另一位馮公子馮載祥一樣要出數，到時大家睇吓秘書處嘅balancesheet，就知使咗幾多錢。
傳真︰2623-9278
電郵︰