接待表叔恃紅加身價<br>馮仁昭四圍超:雙語姐仔10萬宿一宵

接待表叔恃紅加身價
馮仁昭四圍超:雙語姐仔10萬宿一宵

有個電視台女藝員識得雙語廣播,身材好做嘢又肯搏,所以自從佢做咗接客呢味嘢以嚟都客似雲來,不過佢最叻嘅就係有風駛盡𢃇,電視台姐仔自以為人氣勁,近排竟然獅子開大口,開價十萬蚊!

專接內地有錢佬
電視台姐仔喺近呢兩年嚟開始接客,佢天生一副生電王嘅外貌,好多表叔都俾佢冧到暈晒大浪,不過電視台姐仔就好小心嘅,佢好少「款待」香港人,因為怕被人揭穿,一旦唱通街就麻煩啦,所以佢多數招呼啲內地嘅有錢中年男士,一來佢哋來港傾生意後好快就走,二來佢哋打賞高,淨袋貼士都賺唔少。
電視台姐仔幕前工作有起色,佢覺得自己都係時候要加吓身價,馮仁昭聽聞早排佢同人開價一晚十萬,問價嗰位仁兄嚇到即時打退堂鼓。咁又係嘅,一夜春宵十萬蚊,不如買部車好過啦!

那英剖腹誕男嬰
那英噚晚九點半喺北京嘅和睦家醫院剖腹產子,順利誕下約六磅十一安士嘅男嬰,母子兩人平安。雖然那英男友高峰近日被「私生子」事件困擾,不過噚晚佢都陪喺那英身邊,暫時個BB重未取名,小名就會叫「高興」。其實呢排一直都有傳那英嘅預產期喺今個月中,但今次證實佢產子嘅喜訊,係由佢嘅好友、內地歌手孫楠喺演唱會上當眾宣布嘅,全場觀眾即時拍掌恭喜那英。至於那英嘅經理人喺今日就會飛去北京,重會送金鏈畀男嬰㖭。

講開又講,對於那英情敵阿文開記者會要求高峰認子,高峰阿媽話官司已經令佢好攰,對其他事唔想再參與喎。

天心上圍忽然縮水
性感女星天心噚日喺台灣出席新片《旭日東昇》開鏡,佢俾人發現身材縮咗水。佢用國語話:「我最近變瘦了,體重只有四十八公斤,cup數當然跟着變小。」天心認為上圍唔一定要大先靚,總之佢𠵱家好滿意自己嘅身材。

尹天照涉非禮警署報到
尹天照早前遭王秀琳報警指佢非禮,其後尹天照被帶返警署協助調查,噚日佢去咗秀茂坪警署報到。尹天照喺電話度話:「律師叫我現階段唔可以講任何嘢。」記者之後致電警察公共關係科,證實有尹姓男子噚日已往續保,下月三十號再報到。

無綫高層否認裁員
近排盛傳無綫新聞部裁員,無綫總經理陳志雲噚晚喺港台出現,佢即時否認傳言,但又有啲保留咁話近期係有個別員工離職,公司唔會有大規模嘅裁員,但唔敢講係咪有需要節省人手喎,而佢重話公司並冇受到銀河衛視嘅拖累。

張學友唔幫襯K場
張學友日前喺台灣宣傳,問佢平時可有唱卡拉OK,佢用國語講:「我平時很少唱K,就算朋友邀請都少唱自己的歌,因為會讓我很尷尬。」
學友表示最喜歡舊作《我不明白》,當年灌錄嗰陣遇上張國榮跳樓自殺,令佢感觸良多。

無綫力捧十二新人
無綫近日挑選咗十二位男女藝員,將佢哋包裝成「翡翠新力量」嚟力捧,近日呢十二位力捧名單全部落實,包括鍾嘉欣、楊

天心

無綫總經理陳志雲

尹天照
資料圖片

張學友

沈資料圖片