葉璇、林文龍和陳秀珠正在拍攝無綫新劇《本草葯王》，因導演經常安排放煙的場面，一眾演員均感不適，但都敢怒不敢言。
葉璇昨日與林文龍到荔枝園拍外景前，突感眼部不適，遂往養和醫院求診，她說：「我噚晚落妝左眼出血，醫生話我眼部啲細孔閉塞，可能拍劇俾啲煙熏親，加上休息又唔夠，醫生𠵱家畀gel我搽眼同食藥。」
而昨日問到林文龍拍攝放煙場面時可有感到身體不適？他在電話中說：「我本身對煙好敏感，尤其喺影廠熄咗冷氣放煙，我吸一啖都即刻咳到講唔到對白，而且啲煙焗住喺影廠係會唔夠氧氣。」問到他可有向該劇監製反映時，林文龍說：「拍六日戲幾乎放足咁多場，需唔需要係觀點與角度，我係有同公司反映，不過如果公司堅持，我都會盡量配合，頂唔順都要睇醫生。」
採訪：胡比、卓美娟、比華利
攝影：陳偉權