周麗淇昨日在無綫將軍澳電視廣播城拍攝新劇《秀才遇着兵》，劇情講述周麗淇飾演的女捕快捉拿賊人盤問，雖然昨日她毋須大打出手，但單是記對白已叫周麗淇吃不消。
周麗淇說：「啲武指今日唔得閒，所以改為拍文戲，我喺套劇有個替身，但因為對方身形同我相差太遠，所以好多時都要我自己拍番。之前見阿Sa（蔡卓妍）拍《千機變》呢啲動作場面，重好羨慕佢哋，𠵱家先知咁辛苦，好在工作人員教我打完之後浸浴鹽紓緩一吓咋。」
提到周麗淇劇中的對手陳豪被封師奶殺手時，她即笑說：「咁厲害？咁我咪要叫做少男殺手？」
採訪、攝影：王崇穎