曾為超任出機時護航嘅《F-ZERO》，早排跟世嘉合作，推出GC版續篇，而最近亦宣布登陸GBA，以超爽速度感，及大量角色、戰車為賣點，透過通訊功能，重可交換賽道、VS對戰㖭。
記者：徐影龍
當年《F-ZERO》喺超任上，屬假3D賽車Game，即以連續平面表達賽道立體感，跟《OutRun》一樣。去到GC當然變成真正全3D運算喇，就算移植到GBA，推出續篇《F-ZEROCLIMAX》其表現亦不弱，大量複雜賽道照樣流暢自如，兼且最高時速可達2,000km，大直路最能感受其極速快感，掟彎、炒車等亦充滿剌激。
新作保持高速感之餘，亦加入好多GC版欠缺嘅元素，如交換賽道、自行設計賽道、簡易新手操作系統等，都令機迷有新鮮感，最正係格鬥Game經常出現嘅生存模式，玩家要不斷挑戰共34名敵人，力爭冠軍位置，過程當然唔容易，變相令遊戲襟玩度更高。
發售日期：10月21日
售價：約港幣340
相關網址：
