朋友姦 老竇打 玩雜交<br>金像童星出書爆淫亂血淚史

朋友姦 老竇打 玩雜交
金像童星出書爆淫亂血淚史

過氣金像童星泰妲奧尼路(TatumO'Neal)喺七三年憑《小鬼頭與賊阿爸》贏過奧斯卡「最佳女配角」,不過佢攞完金像獎後沉迷毒品,之後重淡出影壇。但係佢近日出書𢱑銀話要爆大鑊,搞到荷李活名人個個都騰晒雞。
現年四十歲嘅泰妲奧尼路,係主演《愛情故事》嘅賴恩奧尼路(RyanO'Neal)個女。近日泰妲出版咗一本叫做《APaperLife》嘅自傳,大爆佢老竇曾經同唔少荷李活女星有一手,泰妲重話當年係佢老竇女友嘅美蘭妮姬菲芙(MelanieGriffith),曾經大搞鴉片雜交派對,佢自己都同美蘭妮有過性關係。
泰妲重話當年佢曾經俾阿哥嘅朋友強姦,賴恩居然話佢自己引狼入室,重喺女友花拉科茜(FarrahFawcett)面前對佢拳打腳踢,但係花拉科茜居然袖手旁觀。

否認作嘢
後來泰妲同網球壇壞孩子麥根萊結婚,但就成日俾老公打,最終離婚收場,連佢都自認係爛命一條。雖然有人質疑泰妲有作嘢之嫌,但已經穩袋幾百萬嘅泰妲就話:「完全冇咁嘅事!」
泰妲話當年佢同米高積遜(MichaelJackson)拍過拖。另外,米高嗰單侵犯兒童罪嘅官司,因為控方調查員涉違犯保密協議,米高想藉此撤消控罪,法官裁定案件將喺下年一月開審。