陳奕迅的女友徐濠縈月初誕下重七磅六安士BB女Constance，並找來填詞人好友黃偉文為BB改中文名，最後BB名為「康堤」。徐濠縈又透露分娩當天邊聽着陳奕迅的《明年今日》，邊順利誕下BB。
陳奕迅（Eason）女友徐濠縈月初在瑪麗醫院誕下重七磅六安士的BB女Constance，Eason現已身在外地拍戲，徐濠縈則專心在家湊女。BB女的英文名字Constance是兩人改的，而中文名則請來填詞人好友黃偉文（Wyman）操刀。
徐濠縈昨日接受訪問時說：「其實Wyman諗BB中文名都幾大限制，因為我想BB嘅中文名係同英文名同音，好似Eason個名咁。本來康堤個『堤』字有諗過用『緹』或者『媞』字，但我哋又想其中一個字男性化啲，結果用咗個『堤』字，Wyman話係健康靚堤壩咁解，呢個名我同Eason都十分滿意。」她續說：「之後我同Eason打過電話問蘇民峰，呢個名啱唔啱BB，佢一聽就話：『冇問題。』重話係好名嚟。」
初為人母的徐濠縈現以人奶餵BB，問其生產過程順不順利，她表示由始至終希望自然分娩，但結果要開刀生，她說：「BB出生（四日）前一晚，即係凌晨六點我開始作動，Eason就車我入醫院，但係入到醫院又唔痛，幫我接生嘅女醫生話點都要喺十二個鐘之內生。到下晝五點，醫生就同我講：『我幫你做決定啦，要開刀生啦。』Eason重帶埋i-pod畀我聽住歌生，本來錄咗八首歌嘅，我聽咗三首歌包括飛兒樂團嘅《Lydia》、千嬅嘅《小城大事》同Eason嘅《明年今日》，BB就出世啦。」
而黃偉文昨在電話中說：「呢個名喺阿徐有咗三個月時已經決定咗，靈感係嚟自電影《魂斷威尼斯》嘅導演維斯康提（LuchinoVisconti），個名係一take過改嘅。」
採訪:梁錦貞 攝影:梁錦雯
