宣萱及任達華等藝人前晚出席時裝雜誌慶祝活動，被問到電視劇集《金枝慾孽》一眾主角成為無綫台慶「我最喜愛的電視角色」獎項大熱，宣萱透露其心水是鄧萃雯及黎姿，卻未有談及曾是死對頭的張可頤。而另一嘉賓伍詠薇則指黎姿資歷未夠，郭可盈才是無綫實至名歸的當家花旦。
宣萱、任達華、黃耀明、馬詩慧及林燕妮等，前晚到銅鑼灣利園二期出席《瑪利嘉兒》十四周年慶祝活動，這五位名人獲頒發「EternityofFame」獎項，前晚同場亦加演品牌AlvieroMartini的時裝手袋騷。
電視劇《金枝慾孽》的一眾主角，最近成為無綫台慶「我最喜愛的電視角色」的熱門人選，宣萱表示自己的心水是鄧萃雯及黎姿，她說：「我雖然只係睇過兩集，但係劇情真係好細膩，個個女仔都做得好好，成日要做喊戲，真係唔容易。雯女同黎姿佔戲比較重，當然就突出啲啦。」那麼她對於曾是死對頭的張可頤評價又如何？宣萱只輕輕帶過說：「總之個個都做得好好啦，阿佘（佘詩曼）都演得好好呀。」
至於同場另一嘉賓伍詠薇表示要投票選「我最喜愛的角色」令人十分頭痛，她說：「男嘅話我一定揀林保怡，女仔就係黎姿同郭可盈之爭，只可以揀一個嘅話我會揀郭可盈，始終黎姿資歷重係淺咗少少，郭可盈就真係TVB實至名歸嘅當家花旦。」
此外，任達華透露近期經常播國歌給琦琦聽，作為胎教，他又計劃在高爾夫球場附近買一間新屋作新居。
任達華說：「BB係仔嘅話，大個可以一齊打波，係女嘅話就唔啱打波啦，對腳會唔靚嘛。」記者提議他的BB名字大可取名「琦華」，他即笑說：「我唔想搶志偉嘅飯碗。」
採訪：梁錦雯
攝影：陳慧安
