身為虔誠基督教徒的鄧萃雯，拍劇之餘仍不忘傳福音，據知跟雯女合作拍攝過《金枝慾孽》和《御用閒人》等劇的演員中，有超過十位在雯女影響下加入教會，雯女還坦言如果憑《金》劇中的如妃得到獎項，是神的恩賜。
近日有報道指鄧萃雯與鄭嘉穎鬧姊弟戀，惟事後雯女加以否認，指彼此只是好朋友關係，她只試過邀請對方出席藝人之家的聚會而已。事實上，身為虔誠基督徒的雯女，原來在拍攝《金枝慾孽》和《御用閒人》期間，仍不忘向劇中演員傳福音，結果，不少演員均被雯女打動而參與藝人之家的聚會。
雯女日前接受訪問時承認此事說：「係呀，好似寶嬋陳霽平同有份拍《御用閒人》嘅黎銘諾等等，好多好多，但我唔知其他人鍾唔鍾意我講佢哋個名出嚟，所以唔方便講咁多。」雯女表示她因為關心身邊朋友及同事，才向他們傳福音，而關心一個人，並非單憑用口去講，而是在行為上讓人感受到愛。如在《御》劇拍檔鄭少秋雖然信奉佛教，但也試過向雯女表示會為她祈禱，令雯女欣慰不已。
雯女又說：「以前我比較自我，好少關心身邊嘅人，但信咗上帝之後，開始識得關心身邊嘅人，其實我真正返教會，做番個基督徒係九八年，跟住到今年四月先至受洗。如妃受歡迎，唔係自己能力，係神畀我嘅能力，自己只係啱啱過到骨啫，所以每一日我都會祈禱感謝主。啲人成日問我攞獎問題，其實我真係冇呢個心，我所有嘢都交託畀上帝，我只係用心做好自己嘅嘢。」
採訪：戴彩煥
攝影：仇志中
服裝：連卡佛
