雖然噚日大市下跌，但今日市場焦點始終係兩隻新股中國電力（2380）同埋和記電訊（2332），前者被熱捧，後者就被冷待，且看今日兩股的表現會否有例外。
經紀陳笑言，有時啲嘢唔可以按常理估計，雖然和記電訊喺本地冇乜人吼，但可能會炒高嚇你一驚都未定。
噚日同經紀黃傾開，佢話好一段時間冇炒過嘅創維數碼（751），聽講早排黃金周電視機等影音產品喺大陸熱賣，所以創維亦賣出唔少電視機，當中包括高邊際利潤的高檔電視機如LCD電視同埋背投電視。此外，據聞創維將於11月底公布的中期業績，盈利升幅可觀。若與同類股比較，創維的PE都算低，所以買得過。
雖然今年原材料價格上升，兼且LCD電視又有減價戰，但有分析員聯絡過公司管理層，發覺佢哋情況唔係咁差，產品減幅唔算大，所以冇乜影響到利潤。
創維噚日升5.75％，收2.30元，成交金額5602萬元。
慕容小初