楊崢、任葆琳、陳霽平及丘凱敏昨日在銅鑼灣為法國品牌GuyLaroche示範新裝，並暢談配襯心得。楊崢提議今季應揀選金色或紫色，她指黑色晚裝穿得沉悶、未能突出自己，身旁穿黑裙的任葆琳及陳霽平即時顯得一臉尷尬。
楊崢事後表示無意「踩」她們兩人，更反問記者說：「你覺得我踐踏佢哋呀？我只係照稿讀咋，佢哋都着得好靚，我平時都會着黑裙㗎。」而任葆琳則說：「Littleblackdress幾時都興，顏色又穩陣，我至少有十幾件。」
今天生日的任葆琳表示會與家姐、前男友胡驊及一班朋友食私房菜慶祝，問她會否希望有新戀情作為生日禮物，任葆琳說：「我已經收到最好嘅禮物，就係瘦咗十磅喇！我拍咗十幾年拖，𠵱家enjoy吓單身先啦。」
此外，陳霽平昨日重提拍攝《金枝慾孽》的舊事，她大讚鄧萃雯好戲，並說：「有一場戲佢要打我，我叫咗佢唔使留力，佢真係出咗六、七成力打，重連打幾次，真係帶到我入戲，演戲好犀利！」
採訪：林妙萍、梁錦雯
攝影：林德雄