郭晉安及張茜目前在廣西忙於拍攝內地劇，但安仔仍然十分關注今年無綫台慶的獎項，更笑指每年只有女主角才有人討論。而張茜對於男友張衞健被指打傷內地演員王伯昭一事表示不知情，但絕對支持男友。
郭晉安、張茜及朱健鈞目前於廣西拍攝內地電視劇《歡樂桑田》，劇中安仔與張茜乃一對歡喜冤家，經常鬥嘴，早前拍攝了一場男女子組扒龍舟大賽，雖然兩人只負責打鼓，但仍表現落力。安仔表示做龍頭一定要落力，他說：「我唔使扒，我只係打鼓，加強我哋隊員嘅士氣，好緊要㗎。」
安仔自言於內地拍劇舒服，他說：「喺內地拍劇最好就係每日都一定可以瞓覺！」對於下月無綫台慶，安仔表示一定會返香港參加演出，問到他知否「本年度我最喜愛的女主角」一獎競爭十分激烈時，他說：「每年都係女仔爭得最激烈，男仔都唔多聽人講，《金枝慾孽》我都有睇過，不過我覺得有好嘅演技未必係最受歡迎，所以個個都有機會攞。」
張茜表示雖然首次與安仔合作但早已聽聞對方好戲，劇中張茜飾演一名養蠶的女子，故將要徒手拿起過百隻蠶蟲，她說：「我平時見到地下有蟲都會叫，所以都驚。」對於男友張衞健與謝霆鋒被指借拍劇為名毆打王伯昭一事，她說：「佢心情好番好多，我又唔喺現場，所以唔方便講乜嘢，不過佢都有向我交代件事，所以我絕對支持佢。」
採訪、攝影：曾小嘉
