水貨大亨袁仁祥甚有生意頭腦，亦貼近巿場脈搏，𠵱家佢迫八點早機去東京入貨，唔會再稱呼自己為「出Trip」，而改稱為「過去做RoadShow（路演）」，加埋頻頻博上鏡狂做訪問，十足十大生意家咁款，誰知其實佢只不過係一間水貨舖的小老闆。袁仁祥用尾指邊挖耳垢邊說：「有人話我雖然只得嗰兩間舖頭仔，但生意額其實過千萬，我唔承認亦都唔否認，你知喇，香港地其實有好多外表低調，但內裏大把貨嘅草根富豪㗎！上兩個禮拜之嘛，我就請咗成家人連埋祥嫂家人去東京玩，暢遊日本迪士尼樂園，享用涉谷牧場火鍋，入住太子酒店送埋早餐，我平時自己都係住Vintage捱吉野家咋！坐西北八點半早機去晚機返，總算盡興而歸！回程時，每人重幫我帶番幾對BapeSta波鞋返港，兩家人嘅寄艙Quota，為我免運費帶咗60幾對BapeSta返嚟，又幫我慳唔少。話晒我今時今日都略有成就，係時候報答吓我背後個女人同屋企人！報恩之餘重有着數，呢啲嘢咪就係草根英雄嘅成功之道囉！」
主持人：大食Jack
八卦熱報：
