何韻詩昨日到港台接受訪問，其間譚詠麟（阿倫）致電到電台，就近來梅媽不滿梅艷芳的徒弟一事發表意見，阿倫建議阿詩與其他徒弟，可以致電梅媽，不用理會傳媒所寫的一切，久而久之便可以建立感情。
對此阿詩說：「但呢段時間經歷太多，人哋點講我唔介意。梅媽𠵱家比較勞氣，我不善處理，怕愈講愈禍，到時咪重衰。我有同過許志安傾點處理，只係暫時唔會特別做啲乜，咁會太唐突。」
雖然阿詩在梅艷芳生忌當日，只到省善真堂拜祭，但其實她前一晚特別到梅艷芳的故居附近緬懷一番，她說：「其實我十號之後都有抽時間去寶蓮寺拜梅姐，甚至九號晚揸車兜去梅姐屋企樓下，見到歌迷企晒喺度，自己都抹眼淚。」
阿詩又提及梅艷芳的舊事，阿詩說：「記得去年佢生日，我預咗同佢慶祝，點知突然要做嘢，但梅姐好明白冇嬲。」
採訪、攝影：王連連