日前有報道指鄺美雲（Cally）因前亞姐曹央雲介入而被已婚何姓富商拋棄，Cally昨日重申不認識何姓商人和曹央雲，她說：「我係一個傳統嘅人，我信因果，我唔會去做一啲破壞人哋家庭嘅事，我唔會同一個有婦之夫發展感情，以前唔會，今日唔會，將來都唔會。」
Cally表示該報道有關其資產的事項，不盡不實，她說：「我係有樓宇投資買賣，但佢哋嘅資料唔足，唔係我大口氣，我投資買賣過嘅物業又何止咁多？我身邊嘅朋友同親人都知道我啲資產係點樣投資番嚟。」她續說：「點解我唔可以擁有𠵱家嘅生活呢？點解其他人得到嘅一定係由不道德途徑換取？」
至於會否採取法律行動？Cally說：「我有錢都唔會去為無聊事打官司，倒不如用呢啲錢去建學校，畀啲貧窮小朋友多一個讀書機會。」