公開嘲笑過長毛冇錢嘅賭王何鴻燊，同四太太梁安琪以及容祖兒噚日喺澳門葡京酒店出席葡京蒙羅麗莎「笑三笑」抽獎活動，賭王同容祖兒甫見面即密密傾，之後重大讚祖兒又靚又叻，唱歌又好聽。
早於五月金沙賭場開幕時，賭王曾經話過會乘機偷師，佢噚日就話：「我呢度開咗四十幾年，我好滿意，我黃金周嘅生意多到做唔切，我幾十年未見過咁嘅場面，啲客仔排隊進貢銀紙畀我哋，同香港差好遠，香港好多怨氣。」不過其後賭王都話澳門自從多咗賭場同酒店後，人手唔夠，連阿婆都要請，佢話𠵱家請個派牌嘅都有萬三蚊一個月，問佢會唔會向香港人挖角？佢話：「香港人學問好過澳門，又識英文，普通話，但要等澳門通過法例。」想搵工呀？要等吓先嘞，終有一日，同賭王打工，摸吓個袋，咦，會多咗好多錢喎。
（圖）賭王（中）心情咁靚，一見祖兒（右）即大讚佢人靚歌甜。仇志中攝
傳真︰2623-9278
電郵︰