早前在雅典奧運男子三米跳板奪金的彭勃，近日被白花油王子顏福偉看中力邀任代言人。顏福偉昨表示，他選彭勃全因對方為人謙虛、踏實和孝順。
白花油王子顏福偉近日成功邀請雅典奧運會男子三米跳板金牌選手彭勃任旗下產品代言人，合約年期三年，記者昨日致電顏福偉，他說：「我係搵咗彭勃做香港嘅活絡油同內地白花油嘅代言人，原本我想簽佢簽到○八年，但佢因為要準備○八年奧運，所以只可以簽到○七年。」
雖然彭勃早前在雅典奧運男子三米跳板項目中取得金牌，但論名氣，彭勃似乎未及田亮，記者問顏福偉何以選中彭勃時，他笑說：「因為香港人鍾意睇跳水，但內地最紅嗰兩位（指郭晶晶和田亮）價錢太貴，我惟有考慮其他，好似吳敏霞、胡佳、彭勃同楊景輝。後來我睇番佢哋嘅新聞，發現彭勃好踏實、好謙虛、好孝順，早排佢俾人話喺香港買咗對情侶表，其實係買畀父母，我好欣賞佢嘅為人，所以我寄咗自己隻CD畀佢，問佢有冇興趣做代言人。」
顏福偉表示，彭勃後來回覆表示有興趣，雙方其後在海南島簽約，但廣告會在香港還是內地取景拍攝，顏福偉則說未定。最後顏福偉說：「喺海南島大家重一齊游水，雖然佢跳水叻，但我哋喺泳池比賽游水，佢輸畀我。」
採訪：戴彩煥
