雖然沙士過咗咁耐，但唔係人人可以忘記呢段經歷，特別係中文大學醫學院內科及藥物治療學系系主任沈祖堯。沈祖堯最近首次用中文執筆寫咗本書──《不一樣的天空》（圖），將沙士期間九死一生嘅一點一滴都紀錄低，與港人重溫黑暗歲月！
睇番呢位沙士英雄當時嘅經歷，真係有笑有淚。佢話自己喺醫院同病毒搏鬥期間，收到一張家人寄嚟嘅相，全家九個人一字排開，齊齊以手勢鼓勵佢撐落去，真係好感動！當時佢重特登租咗套電影《極度驚慌》畀兩個女睇，解釋自己嘅處境。
當然，冇人十全十美，沙士英雄都曾經被指要為沙士負責。沈祖堯喺書中話，當睇報紙知道自己可能會被立法會調查沙士報告點名炮轟後，覺得好委屈，重話當時成班立法會議員即刻玩變臉，簡直當佢死囚咁審，好彩，最後佢冇被點名指摘，亦毋須斬頭，死過翻生，但對於同事受到嘅批評，佢就話不敢苟同。
傳真︰2623-9278
電郵︰