周一嶽噚日正式上任，接替楊永強做衞福局局長，不過，原來局長仍然心懷傷殘運動員，幾忙都趕去恒生頂樓博愛堂，出席恒生同體院舉辦嘅香港傷殘人士奧運健兒頒獎禮。恒生今次都算大手筆，送出九十六萬獎金。
周局長對住鄭海泉講笑咁話，「恒生啲嘢咁好食，梗係嚟啦！」其實周一嶽未上任之前，就係香港傷殘人士體育協會嘅主席。唔講唔知，佢八六年已經做主席，四日前先辭職，佢話當時冇乜人支持，於是佢就決定放棄籃球、專攻乒乓球等有機取勝嘅項目，二十年後終於開花結果。周一嶽𠵱家貴為高官，當然係責任重大，對於傷殘人士，佢話最緊要係「畀佢哋一個機會。」
周局長返到嚟升職，不過，佢太太就不幸喺雅典失足跌斷隻腳，局長話老婆已經可以上班，多謝大家關心喎。
（圖）（左起）霍震霆、許晉奎、周一嶽同鄭海泉齊齊出席傷殘人士奧運健兒頒獎禮。
傳真︰2623-9278
電郵︰