乒乓孖寶李靜同高禮澤攞咗個奧運銀牌後，成為唔少人嘅偶像，今年初證實患上淋巴癌嘅十歲學童陳國禮，上星期五就透過慈善機構「願望成真基金」協助，跟孖寶學打波，實現願望。
該基金早前將小國禮嘅要求告知香港乒乓總會，孖寶知道後即刻安排喺上星期五，喺沙田體育學院奪標館同小國禮見面。其間兩人輪流同佢打波，又教佢球技，最後孖寶將親筆簽名嘅球拍同郵票小版張送畀佢，小國禮話：「開心到爆燈呀！」
小國禮經過一連串化療同電療後，現已慢慢康復中，佢重希望可以盡快返學過正常生活。
（圖）患上淋巴癌嘅國禮（中）上周五有機會同乒乓孖寶李靜（左）及高禮澤練習打乒乓波，你睇佢幾開心。圖片由「願望成真基金」提供
傳真︰2623-9278
電郵︰