李玟昨日與任賢齊在廣州中國大酒店為歐米茄廣州旗艦店主持開幕剪綵，小齊駕駛黃色瑪莎拉蒂跑車，載着身穿紫色透視衫的李玟到場。
李玟透露近日忙於為男友籌備生日會，她說：「我要為佢做到最好為止，我出晒錢㗎，又想搞大啲，但佢唔想，我哋會搞幾日㖭，到時我家姐都會帶新男友出嚟，佢男友係圈內人。」
李玟又表示她為男友開設的健美中心拍攝了一輯平面廣告，並會在隧道口展出，她說：「我有百分之九十九嘅部位冇着衫，拍攝嗰陣我都好擔心走光，但我信得過男友。」
此外，任賢齊稍後要到韓國拍攝電影《韓國攻略》，由於瑪莎拉蒂的韓國代言人為影星權相佑，故小齊表示正聯絡他，了解對方會否一同出席活動，問到是否很少時間見女友，小齊說：「問我一年有幾多日同佢一齊我會清楚啲，不過我去韓國會專心拍戲，導演話嗰邊掃黃掃得好緊要呀，我十月出碟，會喺韓國拍MV，如果有親密鏡頭，會搵個靚女仔拍。」
採訪、攝影：曾小嘉