煲呔即將換新聞秘書，由陳羿代朱曼鈴，各方友好都想見吓陳兄廬山真面目，不過，奈何又名Donald嘅陳羿比較低調，喺工商及科技局搞知識產權，之前喺庫務局工作，曝光較少，𠵱家登嘅呢張相睇怕係佢最近期照片，當然遲吓佢同老細日日出嚟，大家就再冇新鮮感。
朱小姐同八方講，做政務司司長秘書的確好忙，出埠機會多，勝在有國際視野。月底佢陪煲呔最後一次外訪去歐洲，剛好陳羿亦行得開，所以會同埋佢一齊出訪，等佢實地學習。
今次去歐洲，首站係內倫敦，煲呔會喺嗰度會合廣東省省長黃華華，共同推介珠三角，唔知會唔會去唐人街食碗炒河，比較吓英港兩地嘅中菜水準呢？之後嘅行程就未定。
（圖）小Donald三十剛出頭，跟煲呔邊做邊學，肯定有一番作為。
傳真︰2623-9278
電郵︰