精明消費：
新款燒烤爐石油氣助燃起火最快
十月時分，晚上天氣清涼，相信唔少朋友都想BBQ。最理想的，莫如家中有天台、花園又或露台，可以約埋三五知己齊齊燒烤。市面上有各種各樣的餐具及易燃炭，燒烤爐亦愈出愈多，最新設計竟然可以利用報紙，甚至石油氣進行助燃，話咁快就可以燒嘢食。
記者：張穎麟
攝影：楊錦文、陳盛臣、周旭文
Model：Dicky
燒烤爐設備齊全
市面的燒烤爐，既有不銹鋼製的循環再用款式，亦有即買即用的即棄款式。前者勝在功能夠多，即棄爐則勝在使用方便，去到邊都燒得。
韓國新產品：石油氣點炭2分鐘即着
呢款韓式燒烤爐，破天荒用上石油氣點炭設計，利用支裝Gas助燃，2分鐘內包保可以燒嘢食。再加埋外置把手的可調高格柵，要攞煨番薯、粟米都易得多。
尺寸：61×92.5×80cm
售價：$1,800(b)
備有報紙格燒得更旺
外形像戰車，有手柄、車轆同蓋的設計，使用方便。除咗可以在爐的上方放炭，爐的下方更設有報紙格，雙管齊下，包保起火更容易。
尺寸：直徑50.5×83cm
售價：$2,880(b)
生熟食物分開處理
呢個兩轆兩腳的燒烤爐，特設兩個食物格，方便將生熟食物分開擺放。下層食物格的通窿設計，更方便將解凍後的冰水流走。
尺寸：直徑68×90cm
售價：$488(d)
減得勁：木製儲物格隨時拆除
不銹鋼製燒烤爐夠耐用，兩塊木製儲物架夠貴氣外，更可以隨時拆除，方便攜帶。加上爐底特設的載油格，方便清洗夠乾淨。
尺寸：直徑51×95cm
原價：$2,498
特價：$1,399(d)
經濟推介：轆加固定腳易拉穩陣
呢個燒烤爐加入兩個轆的設計，附設三角形手柄，拉動夠方便，兩個轆加一支固定腳的設計，亦夠穩陣。
尺寸：直徑45×72cm
售價：$199(a)
網燒高度任調校
左右兩邊都設有燒烤網，有三種不同高度調校。將燒網高度調至最低，就可以當普通燒烤爐使用。全爐採用木柄，既隔熱又美觀。
尺寸：44×25×30cm
售價：$29.8(a)
爐仔細細露台啱用
家有燒烤爐的朋友都會發現，燒烤爐大多係閒置居多。所以呢個小型燒烤爐，Size細夠慳位，細細個平時放喺露台燒肉、燒魚都得。
尺寸：30×45×70cm
售價：$99(a)
左右移動加炭方便
使用燒烤爐都會發覺，每次加炭都極之麻煩。所以呢個高身燒烤爐，就特設左右移動的燒網，加完左邊加右邊，加炭唔使將網攞起夠方便。
尺寸：30×70×70cm
售價：$199(a)
燒烤用品好幫手
市面的各類燒烤用品，其設計唔單止令你使用更方便，質料亦令用家更易清潔，方便打理。有些餐具更在質料上加以講究，聲稱能令食物的味道更佳。
即買即用唔使洗爐
即用燒烤爐，有炭有網，更有埋支架，將爐升起，加埋易燃炭，一點即着。用完即棄，免卻洗爐的麻煩。
尺寸：25×40×35cm
售價：$32(c)
2小時任燒免加炭
用完即棄炭烤爐，附送的炭可燒足2小時。內置即燃炭球，一支火柴點火，5分鐘內就燒得嘢食。
尺寸：30×42×40cm
售價：$48(c)
燒肉最正
日本燒工房的燒肉網，採用亞鉛合金製造，耐熱度可達攝氏140度。由於亞鉛合金的導熱性較為平均，所以可令肉質燒得更加均勻。
售價：$29.9(a)
樹脂加工燒魚更鮮味
日本人鍾情食魚，呢款專為燒魚而設的燒網亦特別講究。質料經過樹脂加工，可直接在炭火上燒，更聲稱可以將魚的鮮味帶出。
售價：$49.9(a)
一條魚啱啱好
一般長方形的燒網，放一條魚的話，難免左搖右擺，燒到一半熟一半乾。所以呢款燒網就設計成魚的形狀，上下左右都燒得均勻。
售價：$33.9(a)
竹串用途多
竹串雖然不及不銹鋼耐用，但勝在用途夠多。可做串燒，亦可當食具使用，做串燒更特別有風味。28cm長，一包50支。
售價：$10(a)
9吋食物夾
有沒有用過標準的15吋食物夾，發覺使用時唔易發力。所以呢個食物夾就改為短一點的9吋設計，有鎖之餘更易發力，夾乜都更易。
售價：$5.9(a)
循環再用：不銹鋼燒烤串
不銹鋼製的燒烤串，唔單止穿食物較容易，而且質料耐用，洗乾淨後便可循環再用，夠晒環保。一包五串，適合一般家庭使用。
售價：$11.9(a)
易燃炭受歡迎
還記得肚餓時等起火的痛苦經歷嗎？所以新一代的原子炭、炭精等都以易燃為首要目標。1支火柴就可點着，更有無煙、無味功能，就算唔係起爐高手都容易起到火。
套裝餐具夠齊全
Landmann套裝餐具，一次過有齊大叉、夾同鑊鏟，全以不銹鋼製造，再加埋木製隔熱手柄，夠晒齊全。
Landmann套裝餐具，一次過有齊大叉、夾同鑊鏟，全以不銹鋼製造，再加埋木製隔熱手柄，夠晒齊全。
乾淨搽蜜糖
用毛筆搽蜜糖，蜜糖次次周圍滴，極之麻煩。不妨試試呢個樽蓋油掃，可隨意調節收緊，適合大部份醬料，安裝在樽蓋上使用最乾淨。
售價：$28(c)
神奇燒烤球
呢款神奇燒烤球，只需1支火柴，待炭球點着5分鐘後，即可燒烤。1盒3包，每包更可燒達2小時以上，非常抵用。
售價：$36(c)
細塊乾身炭
燒嘢食最怕買到帶濕氣、又碎又細的炭。呢款2.72公斤重的袋裝炭，乾身易燃之餘，每塊炭都Size適中，放在爐內最好用。
售價：$14.8(a)
售賣點
(a) 吉之島 28846888 鰂魚涌康山道2號康怡廣場南
(b) G.O.D 28905555 銅鑼灣霎東街禮頓中心二樓
(c) city'super 25062888 銅鑼灣時代廣場地庫1樓
(d) 崇光百貨 28338338 銅鑼灣軒尼詩道555號
2粒即着
使用相當方便的歡樂一族炭精，只需兩粒並放置在炭堆中央位置，一經點着就可將火勢蔓延至炭堆，2粒即着使用方便。
售價：$3.5(a)
無煙無味燒得舒適
很多人喜歡BBQ，但最怕就係大煙同燒完後殘留在身上的味道。呢款BBQ燒烤原子炭，就集合無煙、無味、耐燒三大優點於一身。3公斤裝，抵用又乾淨。
售價：$19.9(a)