商業社會跟紅頂白的情況甚普遍，連帶汽車市場亦一樣，由於MPV車需求持續，就連法國標致汽車，亦寧願推遲307CC同407車系到港日期，改而引入較大型的807MPV車系。雖然新登場只係車款中的2.0公升版，但左右雙電動趟門，重有三個獨立電天窗，加上個別獨立座椅的多變組合，在一眾同級車中亦有其號召力。
記者、攝影：陳偉林
ImageGirl：Zoe（天一）
一按式雙電趟門方便
近年，筆者試過唔少不同類型的MPV車款，但來自法國出品今趟尚算首次。開車前，今次替這部標致807作ImageGirl的Zoe對此車有不俗的評價，從車廂傳來「嘩！」一聲，原來小妮子好欣賞那一按式電趟門設計之餘，重讚部車有自動關門組合唔使用力推。當駛出室內停車場朝着柴灣沿東區走廊行駛的時候，Zoe對車頂三個電天窗能夠遠望晴空，表現甚是欣賞。曬得耐怕曬黑？無相干，拉出天窗的遮陽簾就得喇！
至於筆者至為欣賞的，可會是高坐姿所帶來廣闊視野，還有出色的車廂隔音效果。即使高速行車座艙亦十分寧靜，完全享受到從CD機播放出來每一粒音符；此外，筆者亦好欣賞全套高級皮椅所帶來的貼服性同承托力。其次，波箱改置中控台上方，令中、前排有Walk-through方便外，獨立座椅配搭，既可以自由組合，又可以裝拆或收摺成桌几同腳枕，又豈止一般同級MPV車可及?!其次，全車獨立三點式安全帶，以及共10個安全氣袋連充氣簾幕配搭，更大大提升本身安全感。
筆者唯一稍嫌不足，可會是到港的807僅有一台2.0公升引擎選擇，若滿載乘客或物件的話，較難苛求此車本身有突出的機動性。幸而廠方替807備有一套4前速Tiptronic半自動波箱，除可發揮出手波車的功效外，亦令引擎發揮得淋漓盡致，以補輸出的不足性。再者油門反應直接之餘，四輪高效能碟煞制動力強，加上ABS連EBD的輔助保護，亦流露出807的過人地方。
1.水滴形門邊電鏡還附轉向指揮燈，夠晒醒目又有型。
2.有咁大嘅直立式尾燈裝備，就唔怕尾隨車輛睇唔見炒埋一堆。
3.尾泵把內置泊車感應外，兩旁重有警示的反光標貼。
4.低地台車身設計匹配尾門手把，存放同開關同樣方便。
點睇：早前追加裝備更富競爭力，配套變得豪華又講究，採用一台2.3公升直4引擎（馬力178匹），既好力又慳油，重好適合作城市代步用。
$249,000
點睇：同級車中年資較淺賣相夠時尚，加上低矮車身及房車化的車門開關，更酷似一輛放大版旅行車，用上2.4公升直4引擎（馬力165匹），性能表現不俗。
$239,800
點睇：MPV車界的長青樹，加上原廠不斷推陳出新的配套，一直不乏買家捧場，用上一台2.4公升直4引擎（馬力156匹），勝在可靠輸出夠平均。
$259,000-$299,000
引擎：1997cc直4DOHC
馬力：138ps/6000rpm
扭力：19.4kgm/4100rpm
傳動：4前速Tiptronic半自動波，前輪驅動
懸掛：（前）麥花臣支柱（後）扭力連桿
制動：（前）透氣碟（後）碟式（ABS）
輪胎：215/60R16PirelliP6
尺碼：4727×1854×1752mm
軸距：2823mm
車重：1612kg
車輛提供：法國汽車（31181828）