《我要高飛》鬧雙胞
馮仁昭四圍超：阿Sam齋講未拍楊思琦默默搶閘

無綫噚日一口氣拍咗三部劇集嘅節目巡禮宣傳短片，包括楊思琦、廖碧兒同鄧健泓主演嘅《我要高飛》、由鄭伊健、馬國明、黃宗澤、楊
各有各拍
馮仁昭記得許冠傑（Sam）話過今年要開拍一部青春勵志電影《我要高飛》，𠵱家無綫又開呢部劇，豈不是同阿Sam鬧雙胞？不過，阿Sam演唱會製作人丘亞葵話各有各拍，無綫開拍都冇乜所謂喎。
另外，喺《我》劇中，思琦飾演一個工作沉悶嘅OL，後來愛上咗默劇，於是加入演藝學院學默劇，噚日佢重花咗好耐時間化咗個默劇裝㖭。思琦話：「之前我都上咗一堂學默劇，要做機械人動作，真係好難。」至於廖碧兒則扮演清潔工人，後來愛上咗跳舞而加入演藝學院，同思琦一齊奮鬥。

阿梅歌迷籌九萬善款
前日係梅艷芳嘅生忌，其中有大約三百名阿梅嘅歌迷就去到尖沙嘴富豪酒店舉行咗一個名為《珍惜聚會時04》嘅悼念活動，當晚嘅拍賣環節合共籌到六萬八千三百八十蚊，而義賣就籌得二萬七千蚊，合共九萬五千幾蚊，所有嘅款項會撥到「四海一心慈善基金」。

梁朝偉讚李恩宙清純性感
梁朝偉前日同韓國女星李恩宙，喺韓國漢城嘅攝影廠度幫雜誌影相，李恩宙重用一口流利嘅英文同梁朝偉傾偈㖭，令身邊嘅女工作人員羨慕不已。梁朝偉喺同李恩宙見過面後話：「她看來非常有魅力，在清純及氣質的形象之下，隱藏着性感，希望下次有機會，能夠和李恩宙再次見面。」

段偉倫打交守行為三年
「成家班」成員段偉倫上星期六晚同佢細佬同朋友去尖沙嘴一間食肆消遣，撞到一對嚟自澳洲嘅兄弟醉酒鬧事，混亂間有人拉扯段偉倫朋友嘅頭髮，觸發雙方打鬥，警方接報到場平息，最後段氏兩兄弟噚日喺九龍城法院，被判處簽保二千元，守行為三年，每人重要畀五百蚊堂費。
案件編號：KCMP1171/04

肥媽煮出個未來
肥媽瑪利亞噚日喺尖沙嘴開記招，宣布有線娛樂台節目《肥媽私房菜》喺今個月二十九號搞個「創意佳餚賀台慶」晚宴，慶祝有線十一周年。肥媽因為做咗煮餸節目，𠵱家有外國電視台傾緊叫佢做教煮餸節目，重有三個同食有關嘅廣告等佢拍㖭，肥媽重話搞緊將自己個嘜頭同個名做註冊㖭。